作為一個土生土長嘅香港人，過去嘅幾年睇見香港因為政治搞到越嚟越差真係心悒，依家我雖然移咗民，但香港永遠係我屋企、鄉下、最美麗嘅地方！
我本身想打心up因為唔識打… 睇知google後發現完來心噏唔係心噏係心悒！#最緊要正字
其實前幾年嚟到加拿大working holiday初初，都無諗過會移民，甚至朋友問起，我都會答：「唔會啦，無諗住喎，玩完就返！」咁其實係幾時諗㗎呢？事緣喺當時打工嘅鋪頭做左半年後老闆打算開分店，希望有熟手嘅人留係舊鋪到幫手，就問我有冇興趣留低+移民，當時我其實都係聽下就算，因為真係無諗過咁長遠留係加拿大，始終我所有屋企人同朋友都係香港，但我問媽咪：「老闆俾呢個offer我喎你點睇？」佢就答咗句：「唔麻煩就試下囉，你咪當老咗想搵個地方退休、玩吓有多個選擇囉！依家香港情況唔同以前啦，都唔知幾十年後變成點…搞唔到都無壞嘅。」當年呢番對話喺係2017年，同一年香港回歸20年。
就係呢句「唔麻煩就試下」，我有啲比呀媽賣豬仔嘅感覺。2018年年初農曆新年前我搵咗一個移民顧問幫我搞移民，真係著手開始準備移民嘅工作啦，我呀媽就話：「希望你成功啦，不過你到時自己一個人係嗰邊小心啲呀…我都幾十歲人囉，生係香港，死又係香港㗎啦…又唔識英文，嗰邊又涷，唔去你嗰邊住啦，有機會去吓旅行算。」
吓?，你唔係諗住一齊過嚟㗎咩？！我洗濕咗個頭㗎啦喎！！！
2018年年中我工作假期簽證過期又未等到LMIA結果，轉咗旅客簽玩多3個月就返香港。
始終無工簽無得係加拿大打工，一路等只係🔥💵 嗰3個月我去咗加東（Ottawa / Toronto / Québec / Montreal）、Banff、Victoria）旅行真係使好多錢但值得！
2019年6月開始，香港就發生社會運動2.0，1個月之後我就收到LMIA成功結果，我媽話：「啱晒啦，依家社會咁亂，有得走就好走啦…」走到，係咪真係可以當置身事外、事不關己？
2020年，嚟咗個全球大流行嘅肺炎，香港政治環境好似一下平靜返，新聞報導變咗每日確診幾多人、口罩供應等等嘅資訊，當大家以為今次會好似幾年前嘅雨傘運動一樣最後無疾而終時，美國總統侵侵隔洋助攻，通過香港自治法又有制裁名單，其他國家包括英國、加拿大* 都話要俾香港人一個逃生門，反而越激起大陸要管香港嘅決心。透過不停DQ泛民議員，相信香港立法會將會越嚟越少反對嘅聲音，要變成好似咁嘅日子越黎越近：
似乎離開香港變相成為咗好多人希望再次呼吸自由空氣嘅途徑。或者我已經思鄉，又或者我仲未完全適應加拿大嘅生活，無論呢邊嘅空氣點咁清新，都無香港俾到我「家」嘅味道。已經移民或者準備移民嘅你地都會唔會同我一樣咁無奈，覺得幫唔到香港／香港人啲乜？依家嘅香港，剩下嘅自由空間越黎越窄…
博方文創嘅創作初衷係希望台灣或者香港甚至任何一個珍愛生長地方嘅朋友仔，都能夠獲得自己想要嘅生活方式。我哋或者可以做嘅，就係祝願「香港加油」。
廣告時間
由馬賽Kyo創作嘅香港加油翻轉字係網絡上爆紅，不單係台灣同香港，甚至日本（日本語仲保留漢字系統）都俾網民瘋傳，因為創作人嘅大方免費授權，令我可以係Red Bubble利用設計進行二次創作，如果大家有興趣，可以去買下呢個設計引申出嘅產品例如T shirt、手機套、貼紙等等。
👉 香港加油系列商品 獨家
利申 購買／訂閱任何以上連結嘅產品我都能夠從中賺取一部份佣金或利潤分成。
